सुन्दा अचम्म लाग्न सक्छ, एउटै पाठा/पाठीको मूल्य २ लाख करीब १३ हजार रुपैयाँ अर्थात् २ हजार १ सय ५० अमेरिकी डलर । सरकारले देशलाई मासुमा आत्मनिर्भर बनाउन अष्ट्रेलियाबाट भर्खरै मात्र उक्त मूल्य तिरेर नयाँ जातका ४० ओटा पाठी (बाख्रा) तथा ३९ पाठा (बोका) नेपाल भित्र्याएको छ । हाल नेपालमा एउटा भैंसीको मूल्य करीब रू. १ लाखसम्म पर्ने गर्दछ, यसरी हिसाब गर्दा दुई भैंसीबराबर एउटा पाठो वा पाठी आउने भएको छ ।
विश्व बैङ्कको सहयोगमा अष्ट्रेलियाबाट १ सय ७५ ओटा पाठापाठी ल्याउन लागिएको हो । बाँकी बाख्रा आगामी जुनसम्म नेपाल आइपुग्नेछन् । अष्ट्रेलियाबाट मासु प्रयोजनका लागि नेपाल ल्याइएका बोयर जातका बाख्रा हाल कृषि निर्देशनालय खुमलटारमा राखिएको कृषि विकास मन्त्रालयका प्रवक्ता उदयचन्द्र ठाकुरले बताए । सरकारले मध्य तथा सुदूरपश्चिमका १२ जिल्लामा मासु उत्पादनका माध्यमबाट पोषण सुरक्षा गर्ने योजनासहित ती पाठापाठी नेपाल ल्याएको हो । देशलाई खाद्य पोषण तथा मासुमा आत्मनिर्भर बनाउन कृषि तथा खाद्य सुरक्षा आयोजनामार्फत नेपालमा ल्याइएको उनले बताए । जन्मिएको १४ महीनामा नेपाल भित्र्याइएका ती पाठापाठीको हालको तौल ४५ किलो रहेको छ । वयस्क तथा मासुका लागि उपयोगी (१८ देखि २२ महीना) भएपछि एउटा बोकाको तौल ७० किलो पुग्ने ठाकुरले जानकारी दिए ।
अष्ट्रेलियन मूलका ती पाठापाठीलाई तनहुँको बन्दीपुर, नेपालगञ्ज एवम् कैलालीको बुढीतोलामा राखिने सरकारको योजना छ । साथै सरकारले प्रजननका लागि सुर्खेतमा १०, दैलेखमा ८ र डोटीमा ८ ओठा बोका उपयोग गर्ने भएको छ । यी क्षेत्रमा छनोट गरिएका बाख्रामा अष्ट्रेलियन बोकाबाट प्रजनन गराई १२ जिल्लाका किसानलाई वितरण गरिने ठाकुरले बताए ।
त्यसैगरी कृषि विकास मन्त्रालयले नागरिकलाई पोसिलो दूध पर्याप्तता बढाउन १ महीनाअघि अमेरिकाबाट सानन जातका ५० ओटा बोका–पाठी नेपाल भित्रयाएको छ । प्रतिबोका/पाठीको करीब २ लाख रुपैयाँ तिरेर नेपाल भिœयाइएका ती बाख्राले बेतमा ९ सयदेखि १ हजार ६ सय लिटरसम्म दूध दिनेछन् । उक्त बाख्रालाई हाल पशुसेवा कार्यालयअन्तर्गतको बाख्रा विकास फार्म चित्लाङमा राखिएको छ । डडेल्धुराका किसानलाई दूध प्रयोजनका लागि उक्त जातको बाख्रा पाल्न प्रेरित गरिने ठाकुरको भनाइ छ । अमेरिकाको डेरी गोट एशोसिएशनमार्फत मन्त्रालयले ती पाठापाठी नेपाल ल्याएको हो । यसको बारेमा विस्तृत जानकारीको लागि यहाँ क्लिक गर्नुहोस् ।
साभारः अभियान
विश्व बैङ्कको सहयोगमा अष्ट्रेलियाबाट १ सय ७५ ओटा पाठापाठी ल्याउन लागिएको हो । बाँकी बाख्रा आगामी जुनसम्म नेपाल आइपुग्नेछन् । अष्ट्रेलियाबाट मासु प्रयोजनका लागि नेपाल ल्याइएका बोयर जातका बाख्रा हाल कृषि निर्देशनालय खुमलटारमा राखिएको कृषि विकास मन्त्रालयका प्रवक्ता उदयचन्द्र ठाकुरले बताए । सरकारले मध्य तथा सुदूरपश्चिमका १२ जिल्लामा मासु उत्पादनका माध्यमबाट पोषण सुरक्षा गर्ने योजनासहित ती पाठापाठी नेपाल ल्याएको हो । देशलाई खाद्य पोषण तथा मासुमा आत्मनिर्भर बनाउन कृषि तथा खाद्य सुरक्षा आयोजनामार्फत नेपालमा ल्याइएको उनले बताए । जन्मिएको १४ महीनामा नेपाल भित्र्याइएका ती पाठापाठीको हालको तौल ४५ किलो रहेको छ । वयस्क तथा मासुका लागि उपयोगी (१८ देखि २२ महीना) भएपछि एउटा बोकाको तौल ७० किलो पुग्ने ठाकुरले जानकारी दिए ।अष्ट्रेलियन मूलका ती पाठापाठीलाई तनहुँको बन्दीपुर, नेपालगञ्ज एवम् कैलालीको बुढीतोलामा राखिने सरकारको योजना छ । साथै सरकारले प्रजननका लागि सुर्खेतमा १०, दैलेखमा ८ र डोटीमा ८ ओठा बोका उपयोग गर्ने भएको छ । यी क्षेत्रमा छनोट गरिएका बाख्रामा अष्ट्रेलियन बोकाबाट प्रजनन गराई १२ जिल्लाका किसानलाई वितरण गरिने ठाकुरले बताए ।
त्यसैगरी कृषि विकास मन्त्रालयले नागरिकलाई पोसिलो दूध पर्याप्तता बढाउन १ महीनाअघि अमेरिकाबाट सानन जातका ५० ओटा बोका–पाठी नेपाल भित्रयाएको छ । प्रतिबोका/पाठीको करीब २ लाख रुपैयाँ तिरेर नेपाल भिœयाइएका ती बाख्राले बेतमा ९ सयदेखि १ हजार ६ सय लिटरसम्म दूध दिनेछन् । उक्त बाख्रालाई हाल पशुसेवा कार्यालयअन्तर्गतको बाख्रा विकास फार्म चित्लाङमा राखिएको छ । डडेल्धुराका किसानलाई दूध प्रयोजनका लागि उक्त जातको बाख्रा पाल्न प्रेरित गरिने ठाकुरको भनाइ छ । अमेरिकाको डेरी गोट एशोसिएशनमार्फत मन्त्रालयले ती पाठापाठी नेपाल ल्याएको हो । यसको बारेमा विस्तृत जानकारीको लागि यहाँ क्लिक गर्नुहोस् ।
साभारः अभियान
