गुगल प्ले स्टोर हामी धेरैले प्रयोग गर्छौं। विभिन्न प्रकारका एप्स डाउनलोड गर्न यसको प्रयोग गरिन्छ। संसारमा एन्ड्रोइड भर्सनका जति पनि एप्स निर्माण हुन्छन्, ती सबै प्ले स्टोरमा संग्रहित हुन्छन्। आफूलाई आवश्यक एप्स त्यही प्ले स्टोरबाट डाउनलोड गरी प्रयोग गर्न सकिन्छ।
गुगल प्ले स्टोरमा यति धेरै एप्स छन्, ती सबैका बारेमा जानकारी लिन पनि गार्हो हुन्छ। नेपाली एप्स निर्माताहरूले बनाएका एप्स संग्रह गर्ने छुट्टै स्थान भैदिए कति राम्रो हुन्थ्यो? यही समस्याको समाधानका रूपमा आएको छ- एप्स झोला। नेपाली नाम झोलाबाटै यसको अर्थ प्रस्ट हुन्छ। झोलामा धेरै प्रकारका एप्स संग्रहित छन्, जुन नेपाली डेभलपरहरूले निर्माण गरेका हुन्।
नेपाली एप्स स्टोर एप्स झोलामा जानका लागि माथिको चित्रमा अथवा यहाँ क्लिक गर्नुहोस् ।
नेपालमा पनि प्रशस्तै एप्स डेभलपर छन्। तीमध्ये एन्ड्रोइड भर्सनमा एप्स निर्माण गर्ने डेभलपरहरूले नेपालमा पनि गुगल डेभलपर ग्रुपको निर्माण गरेका छन्। उक्त ग्रुपमा ३ हजारजति सदस्य छन्। गुगल डेभलपर ग्रुपले नै एप्स झोलाको निर्माण गरेको हो। नेपालमा डेभलपरहरूले एप्स निर्माण गरे पनि गुगल प्ले स्टोरमा ती एप्स राख्न भने झन्झटिलो प्रक्रिया अपनाउनुपर्छ। त्यसका लागि २५ डलर तिर्नुपर्छ। उक्त रकम तिर्न र त्यसको डलरमा भुक्तानी गर्ने प्रक्रिया नेपालका लागि सहज छैन। यस्तो अवस्थामा अब डेभलपरहरूले आफ्ना एप्सलाई एप्स झोलामा राख्न सक्छन्। एप्स झोलामा एप्स राख्न १० डलर मात्र तिर्नुपर्छ भने नेपालमै तिर्न सकिने भएकाले यसको प्रक्रिया पनि सजिलो छ। स्थापनाको ६ महिनामै एप्स झोलामा २५ जना जति डेभलपरका ५० वटा एप्स संग्रहित भैसकेका छन्। यसमा अनलाइन बाघचाल, हाम्रो किबोर्ड, लोडसेडिङ, बर्थडे फरेष्ट, पिकोभिको, एनलोकेट, गाउँ खाने कथा, पासपोर्ट फोटो भ्युअर आदि लोकप्रिय एप्स समेत उपलब्ध छन्।
नेपालमा भएका एप्स डेभलपरहरूलाई हौसला प्रदान गर्न पनि एप्स झोलाको अवधारणा अघि सारिएको ग्रुपका संस्थापक भुपाल सापकोटा बताउँछन्। नेपाली एप्स कहाँ पाइन्छ भनेर खोजी गर्नेहरूले अब एप्स झोला प्रयोग गर्नेछन्। यद्यपि एप्स झोलामा नेपाली एप्सका नाममा जस्तो सुकै प्रकारका एप्स भने राखिनेछैन। ती एप्स गुणस्तरीय पनि हुनेछन्। गुणस्तरीयताका आधारमा एप्स झोलामा राख्ने र राम्रो एप्सको प्रवर्द्धन एवं बजारीकरण गर्ने जस्ता कार्यसमेत गरिदिने सापकोटा बताउँछन्। एप्स झोलाको अवधारणा प्रारम्भ भएको लगभग ६ महिना मात्र भएको छ। अब भने यसलाई व्यवसायिक रूपमा अघि बढाउने योजना रहेको उनले बताए। दसैंअघि नै यो योजनाले मूर्त रूप लिनेछ। अब नेपाली प्रयोगकर्ताले १ सय, २ सय रुपैयाँको सस्तो दरमा समेत यी एप्स किन्न सक्नेछन्। त्यसका आधारमा एप्स झोलाले २५ प्रतिशत र डेभलपरले ७५ प्रतिशत रकम बाँड्नेछन्।
त्यसो त गुगल डेभलपर ग्रुपले अहिले पनि गुगलसँगको प्रत्यक्ष सम्पर्कमा नेपालमा विभिन्न गतिविधि गरिरहेको छ। काठमाडौंबाहेक पोखरा, विराटनगर, वीरगन्ज र चितवनमा समेत यस्ता ग्रुप निर्माण भएका छन्। ती क्षेत्रमा ग्रुपले एप्स निर्माण गर्ने, प्ले स्टोरमा राख्ने, मार्केटिङ गर्ने आदि पक्षका बारेमा जानकारीमूलक सेमिनारसमेत आयोजित गरेको छ। लगभग २ हजार व्यक्ति यस्ता सेमिनारमा सहभागी भैसकेका छन्।
एप्स निर्माण गर्नु पनि एउटा कला हो। राम्रा एप्स किन्न चाहनेहरू प्रशस्तै हुन्छन्। नि:शुल्क एप्स पनि पाइन्छन्, तर तिनै एप्स राम्रा र लोकप्रिय भए भने बिक्री गर्न पनि पाइन्छ। यसले गर्दा डेभलपरहरूले पैसा कमाउने सम्भावना पनि हुन्छ। केही समयअघि बिक्री भएको नेपाली एप्स 'लोडसेडिङ' त्यसकै ताजा उदाहरण हो। उक्त एप्स २० लाख रुपैयाँमा बिक्री भएको थियो। यो अवस्थामा एप्स झोला पनि एप्स डेभलपरहरूका लागि एउटा गतिलो प्लेटर्फम बन्न सक्छ
साभारः साप्ताहिक
नेपाली एप्स स्टोर एप्स झोलामा जानका लागि माथिको चित्रमा अथवा यहाँ क्लिक गर्नुहोस् ।
नेपालमा पनि प्रशस्तै एप्स डेभलपर छन्। तीमध्ये एन्ड्रोइड भर्सनमा एप्स निर्माण गर्ने डेभलपरहरूले नेपालमा पनि गुगल डेभलपर ग्रुपको निर्माण गरेका छन्। उक्त ग्रुपमा ३ हजारजति सदस्य छन्। गुगल डेभलपर ग्रुपले नै एप्स झोलाको निर्माण गरेको हो। नेपालमा डेभलपरहरूले एप्स निर्माण गरे पनि गुगल प्ले स्टोरमा ती एप्स राख्न भने झन्झटिलो प्रक्रिया अपनाउनुपर्छ। त्यसका लागि २५ डलर तिर्नुपर्छ। उक्त रकम तिर्न र त्यसको डलरमा भुक्तानी गर्ने प्रक्रिया नेपालका लागि सहज छैन। यस्तो अवस्थामा अब डेभलपरहरूले आफ्ना एप्सलाई एप्स झोलामा राख्न सक्छन्। एप्स झोलामा एप्स राख्न १० डलर मात्र तिर्नुपर्छ भने नेपालमै तिर्न सकिने भएकाले यसको प्रक्रिया पनि सजिलो छ। स्थापनाको ६ महिनामै एप्स झोलामा २५ जना जति डेभलपरका ५० वटा एप्स संग्रहित भैसकेका छन्। यसमा अनलाइन बाघचाल, हाम्रो किबोर्ड, लोडसेडिङ, बर्थडे फरेष्ट, पिकोभिको, एनलोकेट, गाउँ खाने कथा, पासपोर्ट फोटो भ्युअर आदि लोकप्रिय एप्स समेत उपलब्ध छन्।
नेपालमा भएका एप्स डेभलपरहरूलाई हौसला प्रदान गर्न पनि एप्स झोलाको अवधारणा अघि सारिएको ग्रुपका संस्थापक भुपाल सापकोटा बताउँछन्। नेपाली एप्स कहाँ पाइन्छ भनेर खोजी गर्नेहरूले अब एप्स झोला प्रयोग गर्नेछन्। यद्यपि एप्स झोलामा नेपाली एप्सका नाममा जस्तो सुकै प्रकारका एप्स भने राखिनेछैन। ती एप्स गुणस्तरीय पनि हुनेछन्। गुणस्तरीयताका आधारमा एप्स झोलामा राख्ने र राम्रो एप्सको प्रवर्द्धन एवं बजारीकरण गर्ने जस्ता कार्यसमेत गरिदिने सापकोटा बताउँछन्। एप्स झोलाको अवधारणा प्रारम्भ भएको लगभग ६ महिना मात्र भएको छ। अब भने यसलाई व्यवसायिक रूपमा अघि बढाउने योजना रहेको उनले बताए। दसैंअघि नै यो योजनाले मूर्त रूप लिनेछ। अब नेपाली प्रयोगकर्ताले १ सय, २ सय रुपैयाँको सस्तो दरमा समेत यी एप्स किन्न सक्नेछन्। त्यसका आधारमा एप्स झोलाले २५ प्रतिशत र डेभलपरले ७५ प्रतिशत रकम बाँड्नेछन्।
त्यसो त गुगल डेभलपर ग्रुपले अहिले पनि गुगलसँगको प्रत्यक्ष सम्पर्कमा नेपालमा विभिन्न गतिविधि गरिरहेको छ। काठमाडौंबाहेक पोखरा, विराटनगर, वीरगन्ज र चितवनमा समेत यस्ता ग्रुप निर्माण भएका छन्। ती क्षेत्रमा ग्रुपले एप्स निर्माण गर्ने, प्ले स्टोरमा राख्ने, मार्केटिङ गर्ने आदि पक्षका बारेमा जानकारीमूलक सेमिनारसमेत आयोजित गरेको छ। लगभग २ हजार व्यक्ति यस्ता सेमिनारमा सहभागी भैसकेका छन्।
एप्स निर्माण गर्नु पनि एउटा कला हो। राम्रा एप्स किन्न चाहनेहरू प्रशस्तै हुन्छन्। नि:शुल्क एप्स पनि पाइन्छन्, तर तिनै एप्स राम्रा र लोकप्रिय भए भने बिक्री गर्न पनि पाइन्छ। यसले गर्दा डेभलपरहरूले पैसा कमाउने सम्भावना पनि हुन्छ। केही समयअघि बिक्री भएको नेपाली एप्स 'लोडसेडिङ' त्यसकै ताजा उदाहरण हो। उक्त एप्स २० लाख रुपैयाँमा बिक्री भएको थियो। यो अवस्थामा एप्स झोला पनि एप्स डेभलपरहरूका लागि एउटा गतिलो प्लेटर्फम बन्न सक्छ
साभारः साप्ताहिक
