पशुमा गरिने कृत्रिम गर्भाधानका कारण महोत्तरी जिल्लामा दुई प्रतिशतले दूध उत्पादनमा वृद्धि भएको छ ।
जिल्ला पशु सेवा कार्यालय महोत्तरीका अनुसार आर्थिक वर्ष २०७०÷०७१ मा १३ हजार ४२५ वटा गाईभैँसीमा कृत्रिम गर्भाधान गरिएको छ भने चालु आर्थिक वर्षको प्रथम चौमासिक अवधिभरि चार हजार ५२८ गाईभैंसीमा कृत्रिम गर्भाधान गरिएको छ ।
स्थानीय गाईभैँसीको नस्ल सुधार गरी दूध उत्पादनमा वृद्धि गर्ने उद्देश्यले महोत्तरी जिल्लामा २०३९÷०४० सालदेखि सुरु भएको यो सेवाबाट प्रतिवर्ष तीन हजार ३५ किसान परिवारले गाईभैंसीमा कृत्रिम गर्भाधान गरी लाभान्वित भइरहेको वरिष्ठ पशु विकास अधिकृत डा. रवीन्द्र ठाकुरले बताउनुभयो ।
अघिलो वर्ष १० हजार गाईभैंसीमा कृत्रिम गर्भाधान गरिने लक्ष्य रहेको थियो भने त्यसका लागि सरकारले एक लाख ५८ हजार बजेट विनियोजन गरेको थियो । त्यसैगरी चालु आर्थिक वर्षमा १२ हजार गाईभैँसीमा कृत्रिम गर्भाधान गर्ने लक्ष्य रहेको र त्यसका लागि सरकारले दुई लाख ५० हजार रकम विनियोजन गरेको छ ।
सदरमुकाम जलेश्वरस्थित जिल्ला पशु सेवा कार्यालय लगायत २९ ठाउँबाट किसानलाई गाईभैंसीमा कृत्रिम गर्भाधान गराउने यो सेवा उपलब्ध भइरहेको पशु विकास अधिकृत मोहन रायले जानकारी दिनुभयो । सिवेन (भ्रूण) पशु प्रजनन केन्द्र पोखराबाट आउने गरेको र सरकारको नीतिअनुरूप गाईभैँसीमा एउटा सिवेन प्रयोग गर्दा २५ रुपैयाँ शुल्क लिइने गरेको छ ।
पशु प्राविधिकले किसानको घरदैलोमै गएर गाईभैँसीमा कृत्रिम गर्भाधान गराउन थालेपछि किसानलाई गाउँगाउँ घुमेर साँढे खोज्नुपर्ने बाध्यता हटेर गएको विज्ञहरू बताउँछन् । कृत्रिम गर्भाधानका कारण पशुमा नस्ल सुधार हुन थालेपछि किसानले भारतबाट उन्नत जातको गाईभैँसी किनेर ल्याउनुपर्ने बाध्यता हटेर गएको छ । यो कार्यक्रमले दूध उत्पादनमा वृद्धि हुन थालेपछि किसान यस कार्यक्रमप्रति आकार्षित भएको छ । रासस
जिल्ला पशु सेवा कार्यालय महोत्तरीका अनुसार आर्थिक वर्ष २०७०÷०७१ मा १३ हजार ४२५ वटा गाईभैँसीमा कृत्रिम गर्भाधान गरिएको छ भने चालु आर्थिक वर्षको प्रथम चौमासिक अवधिभरि चार हजार ५२८ गाईभैंसीमा कृत्रिम गर्भाधान गरिएको छ ।
स्थानीय गाईभैँसीको नस्ल सुधार गरी दूध उत्पादनमा वृद्धि गर्ने उद्देश्यले महोत्तरी जिल्लामा २०३९÷०४० सालदेखि सुरु भएको यो सेवाबाट प्रतिवर्ष तीन हजार ३५ किसान परिवारले गाईभैंसीमा कृत्रिम गर्भाधान गरी लाभान्वित भइरहेको वरिष्ठ पशु विकास अधिकृत डा. रवीन्द्र ठाकुरले बताउनुभयो ।अघिलो वर्ष १० हजार गाईभैंसीमा कृत्रिम गर्भाधान गरिने लक्ष्य रहेको थियो भने त्यसका लागि सरकारले एक लाख ५८ हजार बजेट विनियोजन गरेको थियो । त्यसैगरी चालु आर्थिक वर्षमा १२ हजार गाईभैँसीमा कृत्रिम गर्भाधान गर्ने लक्ष्य रहेको र त्यसका लागि सरकारले दुई लाख ५० हजार रकम विनियोजन गरेको छ ।
सदरमुकाम जलेश्वरस्थित जिल्ला पशु सेवा कार्यालय लगायत २९ ठाउँबाट किसानलाई गाईभैंसीमा कृत्रिम गर्भाधान गराउने यो सेवा उपलब्ध भइरहेको पशु विकास अधिकृत मोहन रायले जानकारी दिनुभयो । सिवेन (भ्रूण) पशु प्रजनन केन्द्र पोखराबाट आउने गरेको र सरकारको नीतिअनुरूप गाईभैँसीमा एउटा सिवेन प्रयोग गर्दा २५ रुपैयाँ शुल्क लिइने गरेको छ ।
पशु प्राविधिकले किसानको घरदैलोमै गएर गाईभैँसीमा कृत्रिम गर्भाधान गराउन थालेपछि किसानलाई गाउँगाउँ घुमेर साँढे खोज्नुपर्ने बाध्यता हटेर गएको विज्ञहरू बताउँछन् । कृत्रिम गर्भाधानका कारण पशुमा नस्ल सुधार हुन थालेपछि किसानले भारतबाट उन्नत जातको गाईभैँसी किनेर ल्याउनुपर्ने बाध्यता हटेर गएको छ । यो कार्यक्रमले दूध उत्पादनमा वृद्धि हुन थालेपछि किसान यस कार्यक्रमप्रति आकार्षित भएको छ । रासस
